عدد الرسائل : 168 العمر : 38 تاريخ التسجيل : 29/01/2009
موضوع: من احلام الشاعر................كتبهاخميس حسون الجمعة فبراير 13, 2009 3:11 am
انا شوفتك شامخ فى منامى كالشجرة بتتحدى الريح وكأن الشجرة بتتكلم وكلامها بيطرح تفاريح انا شوفتك فى جدار البيت فى النجم العالى ان حبيت فى القمر الطالع من بدرى فوق سطح الدار بينادى للعاشق ييجى ويقطع مشوار من شرق وغرب ومن بحرى لغاية مياح يرتاح ويرفرف من سعده ويقول لبيت اناشوفتك لكن فى منامى حبيت الشعر وحسيت **** انا شوفتك فى البحر قوافى صفحات تتقلب وتوافى فى شباك الصيادع الميه والسرحة فى ساعة صبحية معزوفة على حبال الشبكة مطوية فى طيات الخية ملاح انا تايه فى بحورك حيرنى كلامك وشعورك عالموجة المركب والصارى ميال وبيعشق بلطية ولا شفتش مركب دهبية صيادها يلاغى الجنية غير فى الاحلام الوردية على نور اللمبة السهارى *** انا شوفتك فى الفجر خيوطه وخيوط الفجر حرايرية وسمعتك هايم بتغنى على وتر النول والمسدية رقص المكوك صحى النايم البلبل ويا العاصافير اخدو من المقطع مسرحهم عملو مواسيرك مزامير لاح خيط النور م الدوارة وانا واقف شغال عالتارة واتارى الوقت قوام شقشق والديك بيصحصح فى الحارة *** مشتاق للحس فى ازجالك وشعور الصدق فى اشعارك حبيت اتعلم من فنك وبايدى صفحت ديوانك حسيت باللهجة العامية بتقوللى كلام بتاثر فى اتارينى هايم ياسلام متشعلق فى جمال الجنة وفى وصف رشيد المطلع فيه حبكة ورنة واللحن فريد ياجمال فكرانى برقتها غنى الكروان لو حس الورد بحلاوتها يعمل فنان كان ليل فوانيس لكن قايد فى قصايد شعر وبيارق بيشعشع نورها من اثر الزيت انا شوفتك لكن فى منامى حبيت الشعر وحسيت
mas_tiger Admin
عدد الرسائل : 212 الموقع : https://elforsan33.ahlamontada.net/forum.htm تاريخ التسجيل : 23/12/2008
موضوع: رد: من احلام الشاعر................كتبهاخميس حسون الخميس فبراير 26, 2009 10:14 pm
بجد والله الاول الشعر ده عدى عليا كده
لكن لما قريتو تانى دلوقتى بجد الكلام جامد جداا
ومعانيها جميله جدا جدا والله ا شوفتك فى البحر قوافى صفحات تتقلب وتوافى فى شباك الصيادع الميه والسرحة فى ساعة صبحية معزوفة على حبال الشبكة ........ يا سلام على الكلام والله جامد جداا وباقى القصيده جامد جداا بشوف ايه الى عجبنى فيها لقيت نفسى ححطها كلها
بجد تسلم ايد الى كتب والله وياريت يكون فلا اكتر من ده تسلم يا عمده
الرئيسية 
