عدد الرسائل : 168 العمر : 38 تاريخ التسجيل : 29/01/2009
موضوع: سباحة فى شريان فقير كاملة ..... للشاعر خميس حسون الأربعاء فبراير 11, 2009 12:52 am
أقدم لكم النهاردة اول قصيدة شعر للشاعر المحبوب من معظم شعراء ادكو ( سباحة فى شريان فقير كاملة ..... )
كان بيحلم انه يصبح يوم مخير زى ماكان حلم ابوه انه يلبس جلابيه ويشترى طقم السنان كان بيحلم بالامان بأدين تجفف دمعته وتخفف الحمل التقيل اللى ابتدى لاخر نفس من يوم ما كان قلبه الصغير يرتجف من دخلة الليل والحرس ماليه المكان كان الزمان لما يدور زى دوران السواقى الى سبق ليلها النهار اتمنى يختار خطوته يخبز بايده لقمته يبقاله دار تصبح همومه مخدته بدل المرار يدفن فى قلبه شكوته وعمره انتظار لما كات الشمس تطلع عالبيوت من خيوطها المدهبة يغزل قميص يستخبى فى السكات لولا ان الشمس من حق الضعيف كان استكان زى كل الفقرا فى المد الطويل عارفين خريطة فقرهم كان بيحلم ان كل الناس ملايكة مش بشر وانه قادر ف الخيال يوصل بحلمه للقمر وانه بايده راح يكسر كل تمثال اتعبد ماكانش يعرف ان حراس الملك ورا كل باب وان قوت الخلق رايح للغراب وان عرق الشقيانين اشهى وليمة للكلاب وانهم قادين يخشو فى عروقه يسبحو فى دورة دماه لما كان يسال ابوه يعنى ايه معنى انى اموت كان جواب الاب لابنه لو حاتسكت عالضلال لو حاتركع للخيانه لو يضيع الحق بين نفسك وبينك تلقى عيشتك مستحيل يبقى دا الموت الحقيقى فى شرعنا بس عمره فى يوم مامات فى عيون اهل البلد اللى فيها الفقر مزروع عالبيبان وبيتولد زى الغريزة فى الصغر يكبر مع الحلم الفقير فى كل دار يدخل الشريان يعافر يمتلك قلب الرضيع يبقى مكتوب عالجميع دون اختيار
حسون فارس نشيط
عدد الرسائل : 55 العمر : 37 تاريخ التسجيل : 08/02/2009
موضوع: رد: سباحة فى شريان فقير كاملة ..... للشاعر خميس حسون الأربعاء فبراير 11, 2009 4:15 am
لما كات الشمس تطلع عالبيوت من خيوطها المدهبة يغزل قميص يستخبى فى السكات لولا ان الشمس من حق الضعيف كان استكان زى كل الفقرا فى المد الطويل عارفين خريطة فقرهم
الله يا عمدة على اختيارك وعلى المعانى الجميلة .... مشكور ياعمدة وياريت تستمر فى تقديم ابداعات شاعرنا الكبير
EmaD فارس فعال
عدد الرسائل : 168 العمر : 38 تاريخ التسجيل : 29/01/2009
موضوع: رد: سباحة فى شريان فقير كاملة ..... للشاعر خميس حسون الأربعاء فبراير 11, 2009 2:39 pm
كان الزمان لما يدور زى دوران السواقى الى سبق ليلها النهار اتمنى يختار خطوته يخبز بايده لقمته يبقاله دار تصبح همومه مخدته بدل المرار يدفن فى قلبه شكوته وعمره انتظار
صعب ان انا اتكلم بعد الكلام ده
ابن بلدى فارس نشيط
عدد الرسائل : 64 تاريخ التسجيل : 08/02/2009
موضوع: رد: سباحة فى شريان فقير كاملة ..... للشاعر خميس حسون الأربعاء فبراير 11, 2009 2:49 pm
وان عرق الشقيانين اشهى وليمه للكلاب عجز القلم
مبدع
haehassan Admin
عدد الرسائل : 247 العمر : 37 تاريخ التسجيل : 11/01/2009
موضوع: رد: سباحة فى شريان فقير كاملة ..... للشاعر خميس حسون الأربعاء فبراير 11, 2009 11:42 pm
لما كان يسال ابوه يعنى ايه معنى انى اموت كان جواب الاب لابنه لو حاتسكت عالضلال لو حاتركع للخيانه لو يضيع الحق بين نفسك وبينك تلقى عيشتك مستحيل يبقى دا الموت الحقيقى فى شرعنا
والله الكلام روعة وعجبتنى جدا القصيدة
مش دى برده ياجماعة قصيدة من القصايد
اللى قالها فندوة كلية التجارة
mas_tiger Admin
عدد الرسائل : 212 الموقع : https://elforsan33.ahlamontada.net/forum.htm تاريخ التسجيل : 23/12/2008
موضوع: رد: سباحة فى شريان فقير كاملة ..... للشاعر خميس حسون الخميس فبراير 26, 2009 10:24 pm
الرئيسية 
