عايز تموت من الضحك.. يا تشوف حضرة النائب اللى نجح بالتزويرعلى الفضائيات بيتكلم عن
نزاهه الانتخابات .. يا تشوف فيلم غبى منه فيه وانت حاطط فى واحد فى بالك
عايز تموت من الغيظ.. يا تتفرج على القنوات المحليه ..يا تتفرج على النشره الجويه
عايز تموت من الجوع.. يا تتعارك مع صاحب الفرن العيش .. يا تسقط اسمك من كشوفات التموين
عايز تموت من الحزن.. ياتفكر دايما فى احوالك.. يا تحط الحكومه فى بالك
عايز تموت من الحسره..يا تبقى مواطن مصرى .. يا تبقى مواطن مصرى
عايز تموت شهيد..يا تركب قطر ..يا تركب عباره.. يا تركب بوكس
عايز تموت منتحر..يا تقرا مقال اللى ما يتسماش ... يا تتفرج على البيت بيتك
عايز تموت مخنوق.. يا تروح مصلحه حكوميه.. يا تقرا الصحف اليوميه
عايز تموت مشهور...يا تتجوز رقاصه .. يا تنصب على البنك
عايز تموت مليونير.. يا تعمل فيديو كليب .. يا تلعب كوره
عايز تموت سعيد.. يا تطلع حماتك كويسه.. يا تعدى حياتك من غير ما تقف على سجل مدنى
عايز تموت مرتاح.. يا تعمل نفسك اهبل.. يا تنسى انك بنى ادم ولك حقوق
الرئيسية 
