والله ياجماعة انا بالنسبة لحياتى انا راضى عنها
وبالنسبة للعيشة انا راضى شوية بس مش كتير على الاقل انا احسن من غيرى كتير
وبعدين ياجماعة ماحدش فينا بيختار عيشته الواحد بيطلع ابن فلان ومعروف كده
فلازم كل واحد مننا لو مش عاجباه حياته يحاول انه يغيرها تدريجيا ويصلح من نفسه واحدة واحدة
اما لو انا عملت حاجة غلط فاكيد بندم عليها بس اهى حصلت وخلاص اعمل ايه يعنى؟
بس بحاول انى ماعملهاش تانى وبحاول انى استفيد من اخطائى اللى قبل كده
اما عن امنياتى فانا مش عاوز ابقى غنى ولا عندى كذا ولا راس مالى ولاكل ده
انا بس عاوز ارتاح واستقر واقدر افتح بيت واعيش حياتى وتكون شريكة حباتى انسانة مؤدبة وصوتها مش عالى ومابتعملش مشاكل واخلف ولد وبنت وان شاء الله البنت حيكون اسمها فريدة الولد بقى والله انا لسه ماقررتش عموما تبقى هى تختاره
بس ياسيدى عاوزين تعرفوا ايه تانى لو فيه حاجة تانيه كلمونى على رقم موبايلى اللى انتوا عارفينه
الرئيسية 
