مرحبا باعضاء المنتدى الكرام اولا احب ان اعتذر عن التاخير من جانبى لانى وبصراحة مشغول جدا بانتخابات مركز الشباب (اصلى نازل انتخابات عضو مجلس ادارة تحت السن)
وبعد. طبعا كلنا شاهدنا مراسم توزيع جوايز احسن لاعب افريقى وهو اللاعب ايمانويل اديبايور التوجولى لاعب ارسنال الانجليزى وكمان محمد ابو تريكة لاعب الاهلى المصرى احسن لاعب داخل القارة
على فكرة انا تابعت كل البرامج الرياضية اللى اتكلمت على الحدث بس الكلام اللى جاى اتحدى ان حد قاله لان ماحدش يعرف يقوله
طبعا مفيش حد فى مصر كلها بيحب نادى ارسنال زى ما العبد لله بيحبه انا متابع لكل ماتشات ارسنال حتى ماتشات الرديف(الفريق التانى)
الكلام ده معناه انى اكتر واحد ممكن يحكم على ايمانويل اديبايور من خلال متابعتى له وللفريق كله وبعدين
ايمانويل اديبايور المهاجم الفذ المهارى السريع الفارع الطول والذى يجيد ضربات الراس والعاب الهواء زى ماقال كل محللين ونقاد الكورة فى مصر ماهو الا مهاجم كسول متخصص فى ضياع الفرص السهلة جدا يحب اللعب لمصلحته وليس لمصلحة الفريق واسالونى انا العبد الفقير واللى يعتبر اكتر واحد فى مصر كلها عانى من اديبايور وكل ماتش يشتمه
والله كل ماتش اشتمه ياجماعة انا نفسيتى تعبت من اللاعب ده والله على فكرة هو لاعب عادى جدا يعنى لاهو زى ايتو فى السرعة ولا زى دروجبا فى الاهداف ولا زى كانوتيه فى المهارة والاخلاق بس نعمل ايه نصيبنا كده وبعدين
طبعا مفيش واحد فى مصر يختلف على محمد ابو تريكة لاعب جميل مهارى اخلاقه اكتر من ممتازة له اهداف حاسمة فى معظم الماتشات بس هما قسموا الجايزة بقت محلى ومحترف
فاذا كان لازم ولابد وحتما يكون احسن لاعب فى افريقيا محترف فمن الزوق والادب يكون واحد من اتنين
اول واحد صامويل ايتو لاعب برشلونة وهداف برشلونة الاول وكفاية ان هو بيلعب فى احسن نادى فى العالم ودى حقيقة انا معترف بيها (مع انى مدريدى جدا)
بس لازم نقول الحق ايتو لاعب كبير وهداف عظيم جدا
تانى واحد هو عمرو زكى لانه حصل على كاس الامم مع منتخب مصر وبعد كده الكاس مع الزمالك وبعد كده فى الدورى الانجليزى جاب 10 اهداف لحد دلوقتى
بصراحة ياجماعة اديبايور مايستحقش الجايزة دى ومفيش نزاهة فى الاتحاد الافريقى مش زى ماقال شوبير وشطة مدحت شلبى
اتمنى الموضوع يكون عجبكم وانتظروا المزيد واتمنى ردود مفيدة
الرئيسية 
