أختلفنا أو أتفقنا حيفضل شعبان عبد الرحيم مطرب مختلف عن بقيه المطربين
مابيفوتش مناسبه الا و يغنيلها حاجه
بيطلق علي نفسه مطرب السي ان ان بعد ما المحطه عملت معاه حوار وقت اما غني أغنيه بكره أسرائيل
بعد فوز أوباما سجل أغنيه بينتقد فيها سياسه بوش و بيحذر فيها من الأمال الكبيره اللي حاطينها كعرب علي أوباما
كلماته بسيطه و حتي لو حد جه قاللي يعني هو شعبان بيفهم أوي في السياسه حقولها علي الأقل بيعمل حاجه مختلفه دمها خفيف بدال الأغاني اللي بتمجد في الحزب الوطني و اللي بنعيش في أزهي عصوره دلوقتي و طبعا بتريق و لا اللي بيطلق علي نفسه المطرب سعد الصغير و اللي بيحفوا وراه عشان يجيبوه في أفراحهم و يدفعوله الشئ الفلاني و يدافعوا عنه كمان بعد فضيحه الكليب بتاعه
مع انه هو نفسه أعترف بالكليب الفاضح
كلمات أغنيه أوباما لشعبان عبد الرحيم
أنا شايف الإبتسامة والفرحة ع الوشوش
اياك بارك اوباما ما يكونش زي بوش
مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس
خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه
لسه فلسطين محتله والحرب في العراق
والناس عايشه في مذله وعداء يجيب عداء
مهما هيعمل اوباما ويلف شمال ويمين
لا حيرجع الحريري ولا حتي الشيخ ياسين
عرفات مش جاى تانى اللى عاش ايام سواد
ومات والكل عارف دي حركه من الموساد
يا عربى الف سلامة يا عربى يا عينى عليك
قاعد مستنى اوباما علشان ياخد بأيديك
ولا بوش ولا اوباما هيفكروا ابدا فيك
يا عربى مفيش غير ايدك هى اللى راح تحميك
بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين
ما هو بوش ابن المجنونة شعللها في كل مكان
افغان وعراق وغزة واخرها سوريا كمان
هيعمل ايه اوباما في مصايب بوش وابوه
ما سابوش مكان في العالم الا ما خربوه
مجاعات وأزمة ماليه وخراب ودمار وحروب
اهو غار ابن المؤذية وسايبهالنا ع الطوب
الرئيسية 
