عيوب البنات ---طبعا ولا بنت هتدخل؟

البنات البنات.. قطاقيط ايه ..........مش عارف(دا مش كلامي دا كلام سعاد حسني)
المهم موضوعنا النهارده عن سبعه عيوب للبنات...
1-النكد(يعشقوه زي عنيهم)
تشوف البنت من دول بتتفرج علي فلم رومانسي وهاتك يا عيات.ليه مش عارف.وياسلام لو المعلم حبيبها اداها ميعاد وفرقعها..ليلته سوده ومشتشفيات ومكروكوم..
2-الاسراف(يا معلم)
ياسلام لو الزبونه شافت ابوها جاي من الشغل وخد المرتب وهاتك ياطلبات اشي شنطه وفستان ووووو(اللهم ارزقنا)
:
3-الغيره
طبعا مهي هتبقي نكديه ازاي لو مغرتشي بسب وبدون سبب..يا رب احفظنا
4-العند
وطبعا لما تكون بتغير علي الفاضي لازم تعند علشان تحس انها مش غلطانه وتلاقيه يا عيني ما بيشفش ونظره تعبان وتقوله انك كنت بتبص علي وحده تانيه..اههههه
5-الرخامه
تلاقيه يا عيني عاوز يتفرج علي الماتش وهي تقوله لا انا عاوزه اتفرج علي الفلم(طبعا مش بيحبوا النكد)
6-المسكنه
تلاقيها بعد كل ده قاعده بريئه وملهاش دعوه باي حاجه....مش بقولكوا بريئه
اخر حاجه بقي هي انها اصيله..ودي طبعا مش هقدر مقلهاش..لانها هي دي الحقيقه وكان لازم اقولها..يعني لما جوزها يموت تصرخ وتقول دا كان معفن وعمره مخدني كنتاكي ومكدونلذ....يا خرابي عليكوا

والله يابنى انت جامد وانت اللى جبت الخلاصة
بس على فكرة البنات مش بس ليها سبع عيوب ده احنا لو دورنا كويس ممكن نلاقيهم سبعين
تسلم يانجم والله

اممممممممممم
ايه جماعة قاعدين تقطعوا في فروة البنات ليه بس
اي نعم هي السلبيات تحتل معظم صفاتهم
بس ربنا امر بالستر يا جماعة
ههههههههههههههههه
والله موضوع حلو والصفات دي كلها موجودة فيهم
الله ينور يا كبير

ايووووه كل دى صفات موجوده فيهم
امال عندهم ايه حلو بقى
.........

mas_tiger كتب:: ايووووه كل دى صفات موجوده فيهم
امال عندهم ايه حلو بقى
.........

لا يا حوده الحاجات الحلوة كتير بس الموضوع عيوب البنات هاقعد بقى امدح فيهم ما تركز معانا شوية

ولا انت حد دفعلك علشان تدافع عنهم ولا ايه بالظبط

معلش يا محمد اصل محمود قلبه رهيف شوية

خلاص خلصتوا ارد عليكم بقى ..... بصوا بقى يا سادة يا كرام احب اقول لكم ان الانسان اى انسان سواء بنت او شاب مليان عيوب ومصايب مش البنت بس يعنى حضرتكم مليانين عيوب وكوارث ....وكمان بتقولوا اننا فينا 7 عيوب طب كويس على الاقل احسن منكم فيكم 100 عيب وعيب وطبعا ربنا ستار حليم وربنا امر بالستر .....اما اذا جينا للعيوب اللى انتم حطتوها لينا انتم بتقولوا النكد على فكرة على فكرة دى انتم حطيتوا ميزة مش عيب لانكم بتقولوا لما البنت بتشوف فلم رومانسى بتعيط على طول دى عشان البنت بطبعها حساس مش الشاب معندوش احساس زيها....اما الاسراف طب الاسراف ارحم شوية من البخل حكم الشاب من دول بخيل بخل يا ساتر ....اما الغيرة دى دليل على الحب دى ميزة برضة مش عيب مش الشاب اللى معندوش .......بلاش احسن اكمل .. اما بالنسبة للعند مفيش انشف من دماغ الرجل والكلام دى مش من عندى دى دراسات علمية واسالوا فى الحكاية دى.....اما بالنسبة للرخامة دى بقى معروفة مفيش ارخم من الراجل والشاب يا ساتر يعنى البنت تكون بييفرج على الفلم فى حالها تيجى الرخامة ويقول عايز المتش طب اسمعه برة مع اصحابك يعنى هى اللى تخرج تسمع الفلم فى الشارع مثلاً لازم يبقى فى احساس شوية عند الشاب متبقاش الرخامة مسيطرة كده ......اما المسكنة مفيش اشطر منكم فى المسكنة دى صنعتكم وحفظنها كويس اوى ......اما بالبسبة انها اصيلة دى بقى حاجة يعنى مفهاش كلام والدليل لما الوحدة يموت جوزها ممكن متتجوزش بعده اما الراجل على طول يعوز يدفنها عشان يلحق يشوف عروسة ....فالمراة معروف عنها الوفاء لجوزها .....طب شوفوا اللى حوليكم من الرجالة والستات اللى زوجتهم وازوجهم ماتوا شوفوا كام ست اتجوزت وكام راجل اتجوز وانتم حتعرفوا مين الاصيل صح .....وشكراً

يا مييييييما يا جامدة Cool

دائما جايبة من الآخر Very Happy

ميما قالت كل اللي لازم ينقال Wink

و وضحت كويس جدااا الفكرة و ده الحق طبعا و الحق يعلو و لا يعلى عليه و بجد قلتي المختصر المفيييد Wink

و شكرا على الموضوع........

طبعا ياشباب احنا ملاحظين بعد رد ميما وجرين ان فيه عيبين كمان ظهرو

العيب الاول هو ان محمد كتب فى عنوان الموضوع ولا بنت هتدخل بس هما دخلوا عشان يعرفوا عيوبهم

احتمال ياخدوا بالهم منها ويصلحوها بس للاسف اتضح ان هما مبيعترفوش بعيوبهم scratch

العيب التانى وده الملاحظ جدا انهم اخدوا موضوع محمد كوبى من فوق ولذقوه تحت بس على الرجاله يعنى مجبوش حاجة جديدة drunken

بس انا عايز ارد على ميما واقولها ان البخل ده اصلا مش من موجود عند الرجالة خالص بل بالعكس الراجل فيه ميزة الجود مش الاسراف ولا البخل

كمان ياميما ده بيبقى تعبان فشغله طول النهار وجاى بيته يستريح عايزاه يطلع بره يسمع الماتش ده سايبلك البيت طول النهار عرفتى بقى الرخامة عند مين geek

الباقى ان شاء الله فالرد اللى جاى

الصرحه انا بكتب الرد وانا نايم يعنى من الاخر مفيش حد يجيلى البيت عشان يضربنى
طبعا انا شوفت الموضوع الجميل ده بس ملحوظه احب اوضحها زى مافى بنات رخمه وفيها كل الصفات اللى ما تتوصف اعوذه بالله ان اكون بقطع فى فروه اللى جيبنهم
زى بردو ما فى بنات فيها كل المميزات الجميله من احترام لنفسها وللاخرين مشاء الله يعنى ربنا يحفظهم من الشباب الرخمين اللى لا عندهم دم ولا .....؟؟
وشكر خاص لكاتب الموضوع
wHiTeArRoW
ولقناص الرد
ميما
وسمعنى سلام الطريق الى هيلات؟؟
ومن الاخر كده اطلعو من دماغى عشان عاوز انام

lol!

haehassan كتب:: طبعا ياشباب احنا ملاحظين بعد رد ميما وجرين ان فيه عيبين كمان ظهرو

العيب الاول هو ان محمد كتب فى عنوان الموضوع ولا بنت هتدخل بس هما دخلوا عشان يعرفوا عيوبهم

احتمال ياخدوا بالهم منها ويصلحوها بس للاسف اتضح ان هما مبيعترفوش بعيوبهم

العيب التانى وده الملاحظ جدا انهم اخدوا موضوع محمد كوبى من فوق ولذقوه تحت بس على الرجاله يعنى مجبوش حاجة جديدة

بس انا عايز ارد على ميما واقولها ان البخل ده اصلا مش من موجود عند الرجالة خالص بل بالعكس الراجل فيه ميزة الجود مش الاسراف ولا البخل

كمان ياميما ده بيبقى تعبان فشغله طول النهار وجاى بيته يستريح عايزاه يطلع بره يسمع الماتش ده سايبلك البيت طول النهار عرفتى بقى الرخامة عند مين

الباقى ان شاء الله فالرد اللى جاى

على فكرة حسن جاب من الاخر ولو كان فيه يوب جامده زي هم ما بيقولوا كان حلها نزلت علينا بيها من غير رحمة بس هي ما عملتش حاجه غير انها خدت الكلام اللي مكتوب وغيرت اللي بيعمله بدل البنات بقوا الولاد

وبالنسبة للبخل
الراجل بيفضل طول عمره كريم وبيصرف كتير وعمره ما يحرم نفسه من حاجه
لغاية يا عيني ما يتجوز يلاقي انه للاسف ما بيبقاش معاه فلوس يصرفها اصلا علشان يبقى بخيل انا مش فاهم هيبقى بخيل اذاي والفلوس كلها بتتصرف على مراته وعلى البيت والكلام ده

احب ارد على haehassan واقول لك يا استاذ احنا ملزقناش حاجة الصفات دى اصلاً ملزوقة فيكم من زمان وملزوقة كمان بغرة يعنى مش حتطع منكم ولا بالطبل البلدى ..ومدام انت شاطر كده مردتش عليا ليه لما قلت عليكم انكم عندكم نفس الصفات دى واكتر ولا هو كلام من بعيد وخلاص ....الشاطر يا استاذ هو اللى يواجه .. يعنى قول حاجات تثبت عكس الصفات دى زى ما انا عملت ......وبالنسبة للبخل انت بتقول ان الرجالة مش بخيلة طب تبقى شوف قد ايه الستات فى التليفزيون بتشتكى من بخل ازواجها وقد ايه تصعب عليك من البؤس والفقر بسبب ازواجها البخيلة ولا فى محاكم الاسرة يا عينى على الستات ...اظاهر يا استاذ انك مش بتشوف حاجة خالص ولا حاسس بحاجة خالص .....اما هم عملوا الخلع ليه لما لقوا ان معظم الستات حتموت بالحسرة والغيظ من ازواجها ....وكمان بقول ان الراجل تعبان فى الشغل طول النهار ايه كمان يا استاذ مش عايزين تشتغلوا طب مهى الست طول النهار تعبانة فى البيت ...الراجل هو اللى يستحمل مفروض شوية بلاش الانانية اللى فيكم دى بقى ....ويلا بقى كفاية كده بقى ...

طبعا يا استاذ wHiTeArRoW ما انتم شباب زى بعض حتقول ايه يعنى غير كده ..يعنى عادى الرد بتاعك ..رد رجالى .....

ميما كتب:: طبعا يا استاذ wHiTeArRoW ما انتم شباب زى بعض حتقول ايه يعنى غير كده ..يعنى عادى الرد بتاعك ..رد رجالى .....

ويا ترى رده مقاس كام

Laughing

سلام عليكم ياجماعة مفيش حاجة تستاهل ده كله بدل ما نقعد نقطع فى بعض ونطلع عيوبنا كده وكل واحد يمسك للتانى على الواحدة ليه ما نحاولش من خلال المنتدى اننا نوصل لحلول لكل نقطة ضعف فينا ولد او بنت وياعم حسن مش البنات بس اللى فيها عيوب بالعكس الرجالة اكيد فيها عيوب ويا ست ميما البنت الذكية هى اللى تقدر تحتوى اللى حوليها مش ترد الهجوم بهجوم اعنف منه .... ياريت كل واحد فينا يا جماعة يقدر يتغلب على الحاجة الوحشة اللى جواه وميحولش يبص لعيوب غيره ومفيش حد معصوم من الخطأ.... اسف على الاطالة وصدقونى انا مش فى صف حد انا مع الاعتدال ........

طيب انا هعرض شوية معلومات كدة عالماشى عشان ميما تعرف اللى انا شاطر

على فكرة انا جايب 87% فالثانوية العامة ههههههههه

نبدأ :
هل تعلم ان المرأة إذا خفضت صوتها فهى تريد منك شيئا .. وإذا رفعت صوتها فانها لم تأخذ هذا الشئ

إذا اردت ان تجنن امرأة فاجعلها تعيش يوما كاملا بدون مرآة

عندما تسمع المرأة كلام غزل من احد تغمض عينيها لكى تستمتع بالكلام ولكن عندما

توجه لها نصيحة تغمض عينيها لكى تنام

حينما تعتبر نفسها نداً لزوجها و أن رأسها برأسه و أننا نعيش فى عصر المساواة و حرية المرأة إلى آخر هذا الكلام فتقول له :

أنا سمعت امبارح فى البيت بيتك إن أنا زيي زيك و أنك مش أحسن منى ، و من هنا ورايح أنا حاغسل المواعين يوم و إنت تغسلها يوم

مهو ده اللى ناقص

وطبعا فالنهاية انا بوجه سلامى واحترامى لحسون وبقوله اللى انا احترم رأيك بس كل الحكاية ان احنا بنتناقش بس

متخافش احنا كلنا اخوات وعمرنا مهنزعل من بعض

والاختلاف فى الرأى لايفسد للود قضية

ويا ست ميما البنت الذكية هى اللى تقدر تحتوى اللى حوليها مش ترد الهجوم بهجوم اعنف منه ....

دى انا غلبان
هو انا عارفة ارد وقول حاجة مبهدلنا ومستحملين اهو عايزين ايه تانى بقى وعلى العموم انتم اللى بدأتوا يعنى بلاش ندافع عن نفسنا اصل انتم شكلكم كده اعتبرتوها حرب وانا عن نفسى مسالمة ومش عايزة دماء الابرياء يسيل حرام

وعلى فكرة زى ما قال
..... احنا كلنا اخوات هنا haehassan

ميما كتب:: ويا ست ميما البنت الذكية هى اللى تقدر تحتوى اللى حوليها مش ترد الهجوم بهجوم اعنف منه ....

دى انا غلبان
هو انا عارفة ارد وقول حاجة مبهدلنا ومستحملين اهو عايزين ايه تانى بقى وعلى العموم انتم اللى بدأتوا يعنى بلاش ندافع عن نفسنا اصل انتم شكلكم كده اعتبرتوها حرب وانا عن نفسى مسالمة ومش عايزة دماء الابرياء يسيل حرام

وعلى فكرة زى ما قال
..... احنا كلنا اخوات هنا haehassan

مكان من الاول لازم تجيبو لنفسكم الكلام الاه

مكان من الاول لازم تجيبو لنفسكم الكلام الاه

يا استاذ دى اسمه .......انت العاقل والكبير انا اتبعت الجملة دى يعنى حكبر دماغى ومش حعمل زى العيال .....يعنى مش استسلام ..انا بس مبحبش اطول فى كلام فاضى والسلام ....ويلا سلام .

ميما كتب:: هو انا عارفة ارد وقول حاجة مبهدلنا ومستحملين اهو عايزين ايه تانى بقى وعلى العموم انتم اللى بدأتوا يعنى بلاش ندافع عن نفسنا اصل انتم شكلكم كده اعتبرتوها حرب وانا عن نفسى مسالمة ومش عايزة دماء الابرياء يسيل حرام
وعلى فكرة زى ما قال
..... احنا كلنا اخوات هنا haehassan

اكيد طبعا ياميما اخوات بس كلمة حق مش احنا اللى بدأنا انتى اللى بدأتى والدليل موضوع المرأة فى عين الرجل والعكس

وده اللى خلانا نرد بالردود دى وندافع عن نفسنا

وبعدين مين اللى قال اللى احنا فحرب ودم الابرياء ليه كل الكلام ده

ده زى مقولتى موضوع تافه

والتافه هو اللى يزعل من حاجة زى كدة

كبر دماغك بقى يا أخى haehassan الموضوع مش مستاهل اننا نتخانق وبتبادل الاتهامات ونقول مين بدأ الاول وعلى فكرة انا مكنش قصدى من موضوع المرأة فى عين الرجل والعكس انى اعيب فى الرجل لا دى مجرد طرح موضوع وكل واحد يقول رأيه بس .... على العموم يا سيدى حصل خير ...وطبعا الاختلاف فى الرأى لا يفسد للود قضية ...صح ولا ايه يا أخى

طبعا صح الاختلاف في القضية لا يفسد حاجة من اللي انتوا قولتوه ده خالص

ياعمنا كل واحد بيشوف عيوب غيره بس مايقدرش يشوف عيوب نفسه
وهوا دا اللى جايب لنا الكفيه يا عالم اارحمونا بقا

» أول مكان حنزورو مع بعض هو ***مصر*** طبعا
» وهو ليه احنا الشباب احسن من البنات
» معاني أسماء البنات على حسب علم النفس