EmaD
فارس فعال
عدد الرسائل : 168
العمر : 38
تاريخ التسجيل : 29/01/2009
 | | موضوع: من حسني مبارك .. إلى شعب مصر الخميس يناير 29, 2009 10:25 pm | |
| من حسني مبارك .. إلى شعب مصر
شعر / أحمد فؤاد نجم
ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ وآخر انسطال
احبك مكبّر دماغك مخدّر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف
وخايف وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل
عشان مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك وأذل اللي جابك
وحيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
حتقبل ححبك حترفض حلبك
حتطلع حتنزل حجيبلك جمااااال | |
|
Admin
Admin
عدد الرسائل : 23
تاريخ التسجيل : 23/12/2008
| | موضوع: رد: من حسني مبارك .. إلى شعب مصر الجمعة يناير 30, 2009 5:38 pm | |
| كلام زى الفل الراجل احمد فؤاد نجم ده من الاخر
وبعدين يا جدعان عادى احنا فى بلد ديمقراطى وعادى يعنى الكلام
ده احمد فؤاد نجم متحاسبش عليه احنا حنتحاسب عليه
تسلم يا عمده
ومستنين جديدك | |
|
ميما
فارس فعال
عدد الرسائل : 187
تاريخ التسجيل : 24/01/2009
| | موضوع: رد: من حسني مبارك .. إلى شعب مصر الجمعة يناير 30, 2009 7:04 pm | |
| واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف
وخايف وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
كلام جميل كلام معقول مقدرش اقول حاجة عنه عشان اللى كتبه عمنا كلنا | |
|
haehassan
Admin
عدد الرسائل : 247
العمر : 37
تاريخ التسجيل : 11/01/2009
| | موضوع: رد: من حسني مبارك .. إلى شعب مصر الجمعة يناير 30, 2009 11:57 pm | |
| والله الراجل ده بيقول كلام زى الفل
تسلم يا عمدة | |
|
حسون
فارس نشيط
عدد الرسائل : 55
العمر : 37
تاريخ التسجيل : 08/02/2009
| | موضوع: رد: من حسني مبارك .. إلى شعب مصر الإثنين فبراير 09, 2009 3:39 pm | |
| حتقبل ححبك حترفض حلبك
حتطلع حتنزل حجيبلك جمااااال....... نهار ابونا ابيض انشاء الله... ربنا يستر
مشكوووووووووووووووووووووور يا عمدة | |
|
ابن بلدى
فارس نشيط
عدد الرسائل : 64
تاريخ التسجيل : 08/02/2009
| | موضوع: رد: من حسني مبارك .. إلى شعب مصر الأربعاء فبراير 25, 2009 4:31 pm | |
| يا لطيف اللطف يا رب
ايه ياعمده الخبر يوصل
وانت داخل على الدهاديه
دا كلام واعر ياابويا | |
|
